Sunday, June 3, 2012

Al'ummar Masar Sun Sake Fita Filin Zanga - Zanga Akan Hukuncin Da Aka Yankewa Hosni Mubarak


Dubun dubatar yan kasar Masar ne ke gudanar da zanga-zanga a dandalin Tahrir dake birnin Alkahira, kan hukuncin da aka yankewa tsohon shugaban kasar Hosni Mubarak da wasu mukarraban sa.

An dai yankewa Mubarak da tsohon Ministan harkokin cikin gidansa Habib al- Adly hukuncin daurin rai da rai sakamakon samun su da aka yi da laifin haddasa kisan daruruwan masu zanga-zanga a rikicin da ya faru cikin shekarar da ta gabata.

Manyan kwamandojin 'yan sanda shida ne kotun ta sallama, yayin da aka wanke Mubarak da dansa daga zargin cin hanci da rashawa. Masu zanga-zangar sun bukaci a yankewa wadanda ake tuhumar ne hukuncin kisa.

Don haka kungiyoyin siyasa suka yi kira ga jama'a su fito kwansu da kwarkwata domin yin Allah wadai da abinda suka ce rashin adalci a shari'ar.

To wai shin a tunaninku mai jama'ar kasar ta Masar ke nufi? Sanin kowa ne jama'ar kasar da goyon bayan su aka kawo karshen mulkin Hosni Mubarak, yau kuma ga shi sun sake dawowa suna nuna goyon bayansu gare shi. Gaskiyar masu iya magana da suke cewa "Duk wanda bai godewa Allah ba, to zai godewa azabarsa".

A karshe ina fatan al'ummar kasata Nijeriya za su dauki darasi daga wannan abu da ya faru kuma yake sake faruwa a kasar ta Masar.

2 comments:

  1. Kai amma akwai abin dubawa a wannan yunkuri na matasan Egypt karo na biyu.

    ReplyDelete
  2. JOIN THE GREAT ILLUMINATI TODAY AND LIVE A BETTER AND HAPPY LIFE. WELCOME TO THE GREAT TEMPLE OF RICHES AND FAME. Are you a business, Man/ woman, politician, musical, student and you want to be rich, powerful and be famous in life. You can achieve your dreams by being a member of the Great illuminati brother hood. With this all your dreams and heart desire can be fully accomplish, if you really want to be a member of the great illuminati brother hood, contact the Lord illuminati now, Note: newly recruited members are entitled with $800,000 US Dollars, A Golden Ring, that will protect and guild you from enemies, and a free visa to United State Of America. Please will do not share blood Pay your Illuminati Membership Registration Fee of US$200 Membership Registration Fees, if you are interested email him. jeffdunham754@gmail.com or whatsApp number (+2347036991712) Mr Jeff Dunham illuminati worldwide

    ReplyDelete