YADDA NA FAHIMCI GENERAL MUHAMMAD BUHARI (RTD)

Yadda na fahimci General Muhammad Buhari a matsayi na na dalibi dan shekara kasa da 20 wanda a lokacin da Buhari yayi mulkinsa ko haifa ta ma ba'ayi ba. Kuma lokacin da ya rike hukumar PTF bani da wayo sosai. Amma duk da hakan tabbas na fahimci General Muhammad Buhari mutum ne mai gaskiya, rikon amana da kaunar talakawa.

Dalili kuwa shine yadda General Muhammad Buhari ya rike manyan manyan mukamai a kasar amma har yanzu talakawa ke sonsa kuma suna muradin ya dawo ya sake mulkarsu a matsayin shugaban kasa,
Na fahimci a kasar nan ko mukamin Chairman mutum ya rike to a karshe magoya bayansa ne zasu dawo suna yakarsa saboda rashin gaskiyarsa da kuma rashin bai tsinana musu abin azo a gani ba.

Amma General Buhari ya rike mukamai kamar haka: Gwamnan jihar Arewa maso gabas (Borno), ya rike shugaban hukumar man fetur ta kasa (NNPC) kuma shine shugaban hukumar karo na farko, sannan ya zama shugaban kasar Nigeria na tsahon shekaru biyu, a karshe kuma ya rike shugaban hukumar PTF a lokacin mulkin General Sani Abacha.
To amma duk wadannan manyan manyan mukaman da General ya rike bai yi amfani da su ba wajen sace kudin talakawa, wannan yasa har yanzu talakawan Nigeria suke Addu'ar Allah (SWA) ya dawo musu da shi.

Buhari yayi takarar shugaban kasa har karo biyu a 2003 da 2007 duk a karkashin jam'iyar ANPP amma saboda rashin yin zaben adalci duk aka ce duk baiyi nasara ba, alhalin kuwa talakawa shi suka fita suka zaba. Duk da hakan General baiyi kasa a gwiwa ba, yanzu ma ya sake tsayawa takara a zaben 2011 amma a karkashin sabuwar jam'iyar da ya kirkira wadda bata fi shekara daya ba, tuni magoya baya suka cika ta makil wato CPC Change, mai dauke da alamar tuta da alkalami a jiki.

A karshe Allah ya karfafawa talakawa gwiwa sama da zabukan da suka wuce baya, su sake fita don kadawa Buhari kuri'a, ba don komai ba sai don shugaban hukumar zaben na yanzu da alama kamar zai kamanta adalci. fitar kuma ita ce hanya mafi sauki da za mu samarwa kanmu mafita a halin da muke ciki a kasar nan. Allah ya taimake mu a wannan zabe na gaba da shugaba adali a kasar mu Nigeria ameeeeeeeeen....!

SHEKARU 50 DA SAMUN YANCIN KAN NIGERIA SHIN RIBA KO HASARA?

Daga 1th October 1960 zuwa gobe shekaru 50 kenan kuma shekarun da Nigeria suka yi da samun yancin kai daga wurin turawan mulkin mallakar kasar Burtaniya (England) bayan samun yancin kai Nigeria sunyi shugabanni kala-kala wasu juyin mulki suka yi suka hau wasu kuma zabar su akayi. Su daga nan Arewa wasu kuma daga Kudu.

Shin to a tsawon wannan lokaci riba aka samu ko hasara akayi?

BELLO GARBA BELLO (BABA) YA MUSANTA LAIFIN KISAN MAHAIFANSA DA KANNINSA UKU

A sati biyu da suka wuce a cikin birnin Kano aka tashi da wani mummunan tashin hankali mai tsoratarwa da dimautarwa, na kisan gilar wani jami'in tsaron farin kaya wato (SSS) Mai suna Garba Bello da Matarsa da 'Yayansa guda uku Mata biyu Namiji guda daya.

A washe garin wannan rana jami'en tsaron 'yan sanda dana SSS suka gano cewa dansa na cikinsa ne ya kashe Iyayen nasa da sauran kannin nasa. Wanda ake kira Bello Garba Bello (Baba).

Baba ya amsa laifinsa a lokacin da Yan Jaridu ke yi masa tambayoyi. Amma kuma da ake gurfanar dashi a kotu gaban Shari'ah, sai kuma yayi turjiya yace bashi ya kashe Mahaifan nasa da Kannun nasa ba. Yana fada yana zubda hawaye.

A yanzu haka Kotu ta dage sauraren wannan kara zuwa Ranar 7 ga watan October.

Fatan mu dai shine Allah Ubangiji ya bayana mai gaskiya game da wannan sarkakakken al amari mai tada hankalin masu hankali.

A karshe Allah Ubangiji ya samu a tafarkin gaskiya Alfarmar Annabi Muhammad (S.A.W.)

MA'ANAR AZUMIN A SHARI'A

AZUMI Shine kamewa daga barin ci da sha, jima'i da kuma maganganun banza, tun daga ketowar alfijir har zuwa faduwar rana da niyyar yin Ibada ga Allah (S.W.T). Saboda fadin Allah cewa "Ku ci ku sha har sai alfijir ya fito daga duhun dare, sannan sai ku cika azuminku zuwa faduwar rana" (Bakara 187).

Hadisin Abu Huraira (R.A) Yace Manzon Allah (S.A.W) Yace "Duk wanda bazai bar kirkire-kirkiren karya ko aikin ashsha ko jahilci (wauta) to lallai Allah baya bukatar ya bar ci da sha don yin azumi (Bukhari da Abu Dauda)

Idan muka yi duba da wannan ayar da hadisin zamu ga cewa lallai idan mutun yana son yayi azumi irin na Shari'a to lallai ne mutum ya bar abubuwan da aka zayyana. Sannan kuma ya kare idonsa da bakin daga abinda Ubangiji ya haramta.

Yana daga abinda yake wajibi akan mai azumi ya nisanta kansa daga kallon fina-finan turawa musamman na batsa. Domin kaucewa kishirwar banza da yunwa wacce ba lada a cikinta.

A karshe muna rokon Allah Ya karemu daga munanan halaye a wannan lokacin na Azumi. Ameen.

MUSULMI DAN UWAN MUSULMI NE

Daga Abdullahi Bin Umar (R.A) Cewa Manzon Allah (S.W.A) yace "Musulmi dan uwan Musulmi ne, kada ya zalunce shi, kada ya bari a cuce shi. Duk wanda ya taimakawa dan uwansa Musulmi wajen bukatartarsa Allah zai biya masa ta sa bukatar. Duk wanda ya yaye bakin cikin dan uwansa Musulmi, Allah za yaye masa bakin ciki daga bakin cikin ranar Alkiyama. Duk wanda ya rufawa dan uwansa Musulmi asiri, Allah zai rufa masa asiri ranar Alkiyama"

Bukhari ne ya rawaito shi.